قازاقستان رەسپۋبليكاسى پرەزيدەنتىنىڭ جارلىعى №164

«قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 24 ساۋىردەگى №555 جارلىعىنا وزگەرىس پەن تولىقتىرۋ ەنگىزۋ تۋرالى قاۋلى ەتەمىن: 1. «قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 24 ساۋىردەگى №555 جارلىعىنا (قازاقستان رەسپۋبليكاسىنىڭ ءپۇاج-ى, 2013 ج., №28, 424-قۇجات) مىناداي وزگەرىس پەن تولىقتىرۋ ەنگىزىلسىن: جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ اۋداندىق ما­ڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنت­تەرى مەن اۋىلدارى اكىمدەرىن قىزمەتكە سايلاۋ, وكى­لەتتىگىن توقتاتۋ جانە قىزمەتتەن بوساتۋ قا­عي­دالارىندا: 13-تارماق مىناداي رەداكتسيادا جازىلسىن: «13. اكىمدىككە كانديداتتار ۇسىنۋدى اۋدان (قالا) اكىمى جەرگىلىكتى قوعامداستىق جينالىسىمەن كەلىسكەننەن كەيىن بالاما نەگىزدە (ياعني اكىم لاۋازىمىنا كەمىندە ەكى كانديدات) جۇزەگە اسىرادى. جەرگىلىكتى قوعامداستىق جينالىسىمەن كەلىسۋ ءتيىستى اۋداندىق (قالالىق) سايلاۋ كوميسسياسى سايلاۋدى تاعايىنداعان ساتتەن باستاپ جۇرگىزىلۋى مۇمكىن.»; مىناداي مازمۇنداعى 61-1-تارماقپەن تولىق­تىرىلسىن: «61-1. جەرگىلىكتى قوعامداستىق جينالىسى اكىمدى قىزمەتتەن بوساتۋ تۋرالى ماسەلەگە باستاماشىلىق جاساي الادى.». 2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتi ن.نازارباەۆ استانا, اقوردا, 2016 جىلعى 11 قاڭتار №164